Gulating lagmannsrett er ankedomstol for samtlege tingrettar og jordskifterettar i Hordaland, Rogaland og Sogn- og Fjordane. Domstolen held til i moderne lokale i Bergen sentrum. Domstolen vert leia av ein førstelagmann og er organisert i to rettsavdelingar og ein administrasjon som består av eit sekretariat og fellestenester. Lagmannsretten har tilsaman 64 fast tilsette. Me legg vekt på høg kvalitet i arbeidet og god service til brukarane.

Vil du verta direktør i Gulating lagmannsrett ?

Gulating lagmannsrett er ein spanande arbeidsplass med godt arbeidsmiljø og kunnskapsrike medarbeidarar. Samfunnsoppdraget vårt krev store omstillingar knytt til digitalisering og effektivisering. Me søkjer no etter ein direktør som kan delta aktivt i arbeidet med å utvikla og modernisera domstolen vidare.

Me ønskjer ein engasjert og inkluderande person med stor arbeidskapasitet, som skal leia administrasjonen og delta aktivt i leiargruppa i domstolen. Til stillinga ligg óg oppgåver knytt til lønn, personal, økonomi og budsjett.

Stillinga krev høgare utdanning og solid kompetanse og erfaring innan leiing og administrasjon, og helst erfaring knytt til omstillingar.

Det er viktig med gode samarbeidsevner, mykje initiativ og gjennomføringskraft. Søkjarar må kunna kommunisera godt. God munnleg og skriftleg framstillingsevne er ein føresetnad.

Det vil vera ei føremon med god kjennskap til Staten sitt avtaleverk innan lønn og personal og erfaring frå økonomiforvaltning og budsjettoppfølging.

Stillinga vert lønna innanfor stillingskode 1062 Direktør i Statens lønnsregulativ. Frå brutto lønn vert trekt vanleg pensjonsinnskot til Statens pensjonskasse.

Fleire opplysingar om stillinga får du frå førstelagmann Magni Elsheim tlf 55 69 39 53.

Søknad med CV, vitnemål og attestar skal sendast via jobbnorge.no. Alle attestar og vitnemål skal samlast i eitt vedlegg. Opplys i søknaden kvar du først såg annonsen om stillinga.

Nærare informasjon om domstolen finn du på www.domstol.no/Gulating.