Velkomen til Fjaler – ein kommune midt i verda.
Eit rikt organisasjonsliv med allsidige kultur- og fritidstilbod, gode skular og barnehagar i nærmiljøet gjer Fjaler til eig god og trygg stad å vekse opp og bu. Folk i Fjaler er stolte av sin eigen kultur og vil gjerne ta vare på den. Samstundes har Fjaler lange tradisjonar for å opne seg mot omverda og ta imot framande menneske og framande kulturar. www.fjaler.kommune.no 

Rådmann

Vi søkjer ein inkluderande og tydeleg rådmann med evne til tillitsbasert leiing av ein utviklingsorientert organisasjon med god tenesteyting; Fjaler er m.a. ein føregongskommune i utviklingsarbeid innan både helse og skule. For å gjennomføre og sluttføre fleire større prosjekt som er vedtekne og igongsette, må rådmannen syte for at organisasjonen evner å sluttføre/fullføre desse.

Som rådmann jobbar du langsiktig og heilskapleg, men med evne til å ta raske avgjerder når det er naudsynt. Saman med politisk leiing er rådmannen pådrivar, nettverksbyggjar og god kommunikator i arbeidet med næringsutvikling i ein kommune med høg næringsattraktivitet. Du har god rolleforståing og evne til god samhandling med politisk leiing.

Søknadsfrist: 02/10/2023