Norec skal stimulere til at fleire verksemder drar nytte av utveksling for å skape kunnskap for framtida. Vi søker ein seksjonsleiar med kompetanse på rolla næringslivsaktørar og aktørar i offentleg sektor kan spele i globalt utviklingsarbeid, både i Noreg og i samarbeidsland i sør.

Ansvar og oppgåver
Seksjonen forvaltar prosjekttilskot til globale partnarskap som jobbar med utveksling av kompetanse mellom offentleg sektor og bedrifter i Noreg og land i Afrika, Asia og Latin-Amerika, hovudsakleg gjennom utveksling av tilsette.
Som seksjonsleiar vil hovudoppgåvene dine vere å leie og vidareutvikle seksjonen i tett dialog med programdirektøren. Du vil ha personalansvar og økonomistyringsoppgåver, og skal sørge for god fagleg oppfølging og kompetanseheving for medarbeidarane dine. Videre skal du også sikre gode arbeidsprosessar og stimulere til samarbeid mellom faggrupper, funksjonar og einingar.
Arbeidskvardagen til vår nye seksjonsleiar vil også innehalde kontakt med næringslivet og offentleg sektor i deira rolle som aktørar i det globale utviklingsarbeidet.

Erfaring og kvalifikasjonar
Vi ser etter ein endringsorientert leiar som er opptatt av utvikling og kompetanse. Du har svært gode samarbeidsevner og fokus på å bevare eit godt arbeidsmiljø.
Aktuelle kandidatar har relevant høgare utdanning og erfaring frå tilskotsforvaltning, inkludert budsjett- og økonomistyring. Det er også viktig at du har internasjonal erfaring.
Vi ønsker at du har bakgrunn både frå privat og offentleg sektor. Forståing for Norec si målgruppe er kritisk for å kunne støtte medarbeidarane i deira vurderingar og legge gode føringar for prioriteringar i seksjonen.
Seksjonsleiaren vil ha eit stort nettverk som fordrar at du er ein dyktig relasjonsbyggar, og har svært gode formidlingsevner både på norsk og engelsk.

Norec stiller krav om personleg integritet og evne til å vise respekt for andre. Personlege eigenskapar vil bli vektlagt i vurdering av søkarane.

Menn blir oppfordra til å søke.

Vi tilbyr

• Fast stilling i eit godt og utviklande arbeidsmiljø med engasjerte medarbeidarar
• Eit viktig samfunnsoppdrag på eit viktig område
• Mange spennande utviklingsprosjekt
• Gode velferdsordningar og fleksibel arbeidstid
• Gode pensjons- og forsikringsordningar

Norec legg vekt på mangfald. Vi oppmodar derfor alle som er kvalifiserte om å søke stillinga, uavhengig av kjønn, alder, funksjonsevne eller kulturell bakgrunn. Vi gjer merksam på at opplysningar om søkaren kan bli gjort offentlege, sjølv om søkaren har bedt om å ikkje bli ført opp på søkarlista. Dersom dette ikkje vert tatt til følge, vil søkaren bli varsla om dette.

Vi ser fram til å høyre frå deg
Kontakt Mercuri Urval ved Ole Petter Bratteberg tlf. 975 59 036 eller programdirektør Marit Bakken tlf. 907 49 383 for ytterlegare informasjon om stillinga.

Meld di interesse ved å laste opp CV og søknad på mercuriurval.no seinast 20.02.2022.

All kontakt med Mercuri Urval vert handsama konfidensielt, om ønskeleg også for oppdragsgivar.