Tokke er ein av seks kommunar i Vest-Telemark. Kommunen har omlag 2200 innbyggjarar.

Det er eit mangfaldig kultur- og organisasjonsliv i kommunen.

E-134 er ei av hovudfartsårene mellom Austlandet og Vestlandet og går gjennom kommunen i Høydalsmo. Kommunesenteret Dalen er om lag 220 km frå Oslo. Dalen sentrum har bevart ein del av sine historiske bygg, bryggjeanlegg ved Telemarkskanalen og eventyrhotellet Dalen Hotel frå 1894. Suleskarvegen mot Stavanger, 230 km unna, er ein populær sommarveg gjennom kommunen.

Tokke er ein kraftkommune og Statkraft Region Sør-Noreg har regionkontor og Vest-Telemark kraftlag har hovudkontor i kommunen. Det er også fleire industri- og høgteknologiske verksemder og Vest-Telemark vidaregåande skule her.

 

Vi har ledig ei spanande og utfordrande leiarstilling i Tokke kommune – er dette noko for deg?

Teknisk etat er ei spanande avdeling som har ansvaret for mange oppgåver som er avgjerande for infrastrukturen i kommunen. I tillegg har vi ein ambisiøs investeringsplan innan bygg og VVA, og kommunalområdet har ansvaret for å planlegge og gjennomføre desse prosjekta.

Som kommunalsjef for tekniske etat vil du vere ein av fire kommunalsjefar som inngår i kommunedirektøren si faste leiargruppe, saman med NAV-leiar, økonomisjef og organisasjonssjef.

Vi ser etter deg som har god kompetanse, tek ansvar og ynskjer å bidra til ei sterk lagånd. Saman med dine kollegaer i kommunedirektøren si leiargruppe ser du stadig etter nye moglegheiter, og er ein aktiv pådrivar i utviklinga av både kommunen sine tenester og kommunen som organisasjon. Personlege eigenskapar vil bli vektlagt.

Arbeidsoppgåver:

Overordna administrativt, fagleg og økonomisk ansvar, samt personalansvar for teknisk etat.

Ansvarsområde:  

• Planar og prosjektering
• Prosjektstyring
• Brann og beredskap
• Eigedomsforvalting, drift/vedlikehald og utvikling
• Kommunalteknikk, veg/avløp
• Innkjøp
• Andre fagområde kan bli lagt til ansvarsområdet

Kommunalsjefen rapporterer til kommunedirektøren.

Kvalifikasjonskrav:

• Relevant høgare utdanning på bachelor- eller masternivå
• Erfaring og kompetanse frå eit eller fleire av dei aktuelle ansvarsområda er ein fordel
• Leiarerfaring er ynskjeleg
• Erfaring frå økonomioppfølging og prosjektleiing vil vere ei styrke
• Gode digitale ferdigheiter

Personlege eigenskapar:

• Vere engasjert, vise evne til å setje klare mål, ta initiativ og gjennomføre, vere fleksibel.
• Utøve eit godt leiarskap og medarbeidarskap
• Positiv og serviceinnstilt, gode samarbeidsevner

Vi tilbyr:

• Interessante og varierte arbeidsoppgåver
• Hyggelege kollegaer og ein god arbeidsplass
• Opplæring og kompetanseoppbygging
• Fleksibel arbeidstid, gode forsikrings- og pensjonsordningar
• Løn etter avtale

Tokke kommune ynskjer eit arbeidsmiljø prega av mangfald. Alle kvalifiserte kandidatar uansett alder, livssituasjon, funksjonsevne, kjønn, seksuell orientering, religion eller etnisk bakgrunn vert oppfordra til å søkje. Vi legg vekt på tilrettelegging av arbeidsforhold dersom du har behov for det.

Ved spørsmål om stillinga, ta kontakt med kommunedirektør, Finn Arne Askje, tlf. 95 07 66 37, eller epost: finn.arne.askje@tokke.kommune.no

Aktuelle søkjarar vert kalla inn til intervju. Ved tilsetjing er det krav om politiattest av nyare dato, men slik attest skal ikkje følgje søknaden. Kopi av attestar og vitnemål tek du med deg ved eit eventuelt intervju. I samsvar med Offentleglova § 25 kan namn på søkjarane offentleggjerast.

Søknad sendast på elektronisk skjema som du finn her

Velkomen som søkjar!

Søknadsfrist: 20. mars 2023.