Vår visjon:
I Kinn har vi gode fungerande lokalsamfunn, der vi realiserer det store potensiale på kysten, flotte bu- og fritidsområde og ei berekraftig utvikling. Vi er ein av dei største kommunane i Vestland fylke med våre 17.131 innbyggarar. Som arbeidsgjevar har vi med oss 1632 tilsette, og vi ønskjer deg velkommen med på laget. I alle stillingar knytta til helse og velferd og alle stillingar i oppvekst – må tilsette pårekne koordinatoransvar.
Plansjef
Kommunen har høge ambisjonar om å levere gode tenester og vere ein aktiv samfunnsutviklar. For å gjere dette treng vi dyktige og motiverte medarbeidarar.
Det er no ledig fast heiltidsstilling som plansjef. Dette er ei leiarstilling innanfor eit felt der samfunnsutvikling, samarbeid med innbyggarar og næringsliv og sakshandsaming er det sentrale. Tenesta har i dag over 20 tilsette innan arealplan, geodata, landbruk og byggesak.
Kommunen har mål om å vere ein kommune som tar eit bevisst samfunnsutviklingsansvar innanfor grøn omstilling, næringsutvikling og samferdsle med meir.
Du kan velje kontorstad; Måløy eller Florø. Arbeidsstad er i heile vår flotte kommune. Uansett må du vere innstilt på å tilpasse arbeidskvardagen din, slik at du er der kor det er behov for dialog med innbyggarar/næringsliv og utøving av leiing.
Arbeidsoppgåver
- Leie tenesta for arealplan, geodata, byggesak og landbruk (planavdelinga).
- Sette dagsorden for den faglege utviklinga innanfor tenesta sine felt. Vi legg stor vekt på utvikling av digitale løysingar for dialog med innbyggarar og effektiv sakshandsaming.
- Peike på utviklingstrekk, behov og moglegheiter for samarbeid og samspel mellom innbyggarar/næringsliv og kommunen.
- Personalleiing.
- Økonomistyring.
Kvalifikasjonar
- Relevant høgare utdanning frå høgskule/universitet.
- Erfaring frå offentleg forvaltning, eller annan relevant erfaring.
- Erfaring frå utviklingsarbeid.
- Leiarerfaring.
Personlege eigenskapar
Du må
- vere genuint opptatt av samfunnsutvikling
- vere opptatt av og innstilt på å arbeide med omstilling innanfor tenesta for å tilpasse aktiviteten til endra føresetnadar
- vere kommunen sitt «ansikt utad» innanfor fagområdet, og det er viktig at du forstår og er bevisst denne rolla
- som leiar legg til rette for at dine medarbeidarar får rom for utvikling og plass i det offentlege rom
- vere serviceinnstilt og ha positiv haldning til både publikum og kollegaer
- ha evne og vilje til å tileigne deg, og dele ny kompetanse
- trivast med eit høgt arbeidstempo og kunne jobbe under press
Vi tilbyr
- Ein arbeidsgjevar som ynskjer å leggje til rette for samfunnsutvikling.
- Godt arbeidsmiljø og dyktige kollegaer.
- Fleksibel arbeidstid.
- Løn etter avtale.
- Tilsetting på kommunale vilkår.
- Medlemsskap i offentleg pensjonsordning KLP.
- Godt kollegialt arbeidsmiljø med «låg dørterskel» mellom ulike avdelingar i kommunen.
