Tag Archives: leder Leikanger

Søk jobb i vakre Sogn – spanande leiarstilling ledig

NAV søkjer tilsette med hjarte for menneske og fagområda våre. Visjonen vår er å gje menneske moglegheiter, og dette gjer vi ved å utvikle Noregs beste arbeids- og velferdstenester.  

NAV består av 19 000 kompetente og engasjerte medarbeidarar. Vi jobbar tverrfagleg i sterke fagmiljø. Hos oss skal arbeidsmiljøet pregast av involvering, openheit og tillit.

For å kunne levere best mogleg tenester er det viktig med mangfald i rekrutteringa. Vi oppmodar derfor personar med innvandrarbakgrunn, nedsett funksjonsevne og hol i CV-en til å søkje jobb hos oss. Vi legg arbeidsforholda til rette for deg viss du har behov for det. Ønskjer du å bli unntatt frå offentleg søkjarliste, må du grunngje dette. Del gjerne vitnemålet ditt eller karakterutskriftene dine på vitnemålsportalen.no.

Vi søker utviklingsorientert seksjonsleiar

NAV Økonomiteneste er ein intern tenesteleverandør for lønns- og rekneskapstenester til alle NAV sine statlege einingar. Dette inneber mellom anna utbetaling av 450 mrd. kroner i årlege ytingar, samt rettleiing for etaten sine 11 300 tilsette. NAV sitt rekneskap utgjer 1/3 av statsbudsjettet, og NAV Økonomiteneste har ei viktig rolle for å sikre god rekneskapskvalitet i NAV. Eininga består av 88 tilsette fordelt på tre seksjonar og er lokalisert i Leikanger, Vestland fylke.

Er du ein allsidig og dyktig leiar som trivst å jobbe med strategi, organisasjon og tenesteutvikling? Då kan dette vere rette jobben for deg. Som seksjonsleiar i Fagstøtte vil du få ansvar for ei spanande og variert oppgåveportefølje.
Seksjonen har ansvar for fleire av tenestene NAV Økonomiteneste (ØT) leverer til heile NAV, mellom anna informasjon, opplæring og kundesenteret vårt. Seksjonen koordinerer ØT sine utviklingsaktiviteter i stort, og har bygd opp eit tverrfagleg miljø som mellom anna nyttar teknologi aktivt for å effektivisere og forbetre arbeidsprosessar. Ansvar for interne strategi- og organisasjonsprosessar, samt andre fellesfunksjonar for ØT høyrer også til seksjonen.
Som seksjonsleiar er ei sentral oppgåve å sørge for gode og effektive tenester, og vi ser no etter deg som særleg kan styrke og profesjonalisere vårt kundesenter. For å få til dette må du vere ein god pådrivar, som tek initiativ, har gjennomføringskraft og skapar engasjement.
Med deg på laget får du ein engasjert og utviklingsorientert gjeng, som jobbar i høgt tempo, i eit ope og livleg samarbeidsmiljø.

Arbeidsoppgåver

  • Sikre effektiv og stabil drift av seksjonen
  • Personalansvar
  • Deltakar i direktøren si leiargruppe
  • Utvikling av NAV Økonomiteneste som tenesteleverandør

Kvalifikasjonar

  • Mastergrad innan økonomi, leiing, administrasjon eller anna relevant utdanning. Brei erfaring kan kompensere for noko lågare utdanning
  • Leiarerfaring
  • Kunnskap om og erfaring frå tenesteutvikling og endringsleiing
  • Særs gode samarbeids- og kommunikasjonsevner

Personlege eigenskapar

  • Nytenkande og løysingsorientert
  • Ansvarsbevisst med god gjennomføringskraft
  • God relasjonsbyggjar
  • Serviceinnstilt

Vi tilbyr

  • Fast stilling som seksjonssjef og gode lønnsvilkår (lønn frå kr.744 600 til kr.817 000). For spesielt kvalifiserte søkjarar kan høgare lønn vurderast
  • Ein spennande jobb med eit viktig samfunnsoppdrag, i eit godt og inkluderande arbeidsmiljø
  • Faglege utfordringar og moglegheita til å bidra i utviklinga av våre tenester
  • Gode arbeidstidsordningar med fleksitid og treningstime i arbeidstida
  • Medlemskap i Statens pensjonskasse

Kommunalsjef organisasjon og digitalisering

Velkommen til fagre Sogn! Her kan du kombinere ei spanande karriere med eit liv i frisk luft og fantastiske omgjevnadar.
Sogndal kommune vart etablert 01.01.2020 etter kommunereforma. Det er ca. 12.000 innbyggjarar i kommunen, i tillegg er vi vertskommune for over 3.000 studentar gjennom studieåret. Sogndal er regionsenteret i Sogn. Kommunen har om lag 1150 medarbeidarar. Kvar dag leverer me gode tenester i tråd med brukarane og næringslivet sine behov. Me har sett oss som mål å vere ein framtidsretta og kunnskapsbasert samfunnsutviklar med fortrinn innan reiseliv, unike kompetansemiljø og innovasjon.

Kommunalsjef organisasjon og digitalisering

Sogndal kommune vil fornye, forenkle og forbetre organisasjonen og tenestene våre, mellom anna gjennom å ta i bruk framtidsretta teknologiske løysingar, smidig utvikling og innovative anskaffingar. Vi søkjer no etter kommunalsjef for område organisasjon- og digitalisering.

Kommunalsjefen skal
• styre og leie tenesteområdet.
• ha overordna ansvar for tenesteutvikling innan organisasjon og digitalisering
• sikre strategisk teknologiutvikling og digitalisering i heile organisasjonen.
• samordne, følgje opp og drive fram faglege og organisatoriske utviklingsprosjekt.
• initiera og vera pådrivar for samordning og samhandling på tvers av teneste- og forvaltningsnivå.
• etablere eksternt samarbeid med private og offentleg aktørar på relevante område, ein sentral regional utviklingsaktør.
• inngå i rådmannen si strategiske leiargruppe.
• utvikle arenaer og rutinar for god informasjonsflyt i ein open og transparent kommune, samt sikre god kommunikasjon internt og eksternt med alle kommunen sine målgrupper og interessentar.

Sentrale ansvarsområde:
I dag er tenesteområdet organisert i fire avdelingar. og har totalt 31 tilsette. Fagområda med avdelingsledarar er IKT, dokumentsenter, innbyggjartorg samt personal- og løn. KommunaIsjefen vil få det overordna drifts- og utviklings ansvaret for desse. I tillegg har kommunalsjefen pr. d.d. fire spesialrådgjevarar rett under seg; (juridisk rådgjevar, kommunikasjons rådgjevar, politisk sekretær og kvalitetsrådgjevar). Kommunalsjefen vil også ha eit særskild ansvar for innovasjon, digitalisering og organisasjonsutvikling i heile organisasjonen, samt overordna internkontroll saman med rådmannen.

Formelle kvalifikasjonskrav:
• Relevant høgare utdanning på masternivå er ønskjeleg. Kravet kan fråvikast ved lang og relevant erfaring frå fagområde innan ansvarsområda organisasjon og digitalisering, men søkjarar må ha minimum treårig relevant høgskule-/universitetsutdanning.

Du må ha:
• God kunnskap og interesse for ansvarsområda lagt til stillinga.
• Interesse for og erfaring med strategisk plan- og utviklingsarbeid
• Erfaring som kulturbyggar, endringsleiar og prosjektdrivar
• Evne til å kommunisera godt skriftleg og munnleg

Det er også fint om du har:
• Erfaring med og gode resultat frå personalleiing og budsjettstyring.
• Erfaring med å få til samhandling og samarbeid i praksis
• Erfaring frå prosjekt med fokus på brukarretting og digitalisering

Vi ynskjer deg som:
• er ein tydeleg leiar, god til å formidle, forankre og få folk med på laget
• har analytiske evner, innbyr til tillit og er ein god sparringpartner
• er eit førebilete i haldningar og kulturbygging
• er utviklingsorientert og nysgjerrig
• har rolleforståing for kva det betyr å arbeida i ein politisk styrt organisasjon

Me tilbyr:
• Eit inspirerande fagleg og sosialt miljø med spennande og utfordrande oppgåver, gode mogelegheiter for fagleg og personleg utvikling og høve til å vere med å forme ein kommune i positiv utvikling og vekst.
• Fast stilling som kommunalsjef, lønnsspenn kr. 850.000 til kr. 890.000. For spesielt kvalifiserte kandidatar kan høgare lønn vurderast.
• Gode pensjons- og forsikringsordningar
• Gode velferdsordningar