Tag Archives: leder sogn og fjordane

Administrasjon / Kontor / Personal, Administrativ ledelse, HR Manager, Konsulenter / Frie yrker, Offentlige lederstillinger, Offentlige tj. / Forvaltning, Organisasjonsutvikling

HR-/Personalsjef

2. August 2019 Frode Vatland Leave a comment

Stryn har om lag 7200 innbyggjarar og ligg i inste delen av Nordfjord. Vi har eit aktivt og utviklingsorientert næringsliv, der både reiseliv og industri er mellom dei fremste i landet på sine område. Stryn kommune har i overkant av 800 tilsette fordelt på 563 årsverk. Kommunen har ein ambisjon om å vere ein attraktiv arbeidsplass med fokus på å rekruttere, utvikle og halde på dei beste medarbeidarane. Stryn kommune vart i 2019 kåra til den 5. beste kommunen i Noreg på kommunebarometeret.

Vår noverande Personalsjef går av med pensjon 31.12.19 og vi søkjer:

HR-/Personalsjef til Stryn kommune

Du som ny HR-/Personalsjef vil få ei nøkkelrolle i å vidareutvikle Stryn kommune som kompetanseorganisasjon i åra som kjem. Du får ein sentral strategisk rolle, inngår i rådmannen si leiargruppe og er ein viktig støttespelar for rådmann, kommunalsjefar og einingsleiarar.

Ansvarsområdet er kommunen sin overordna arbeidsgjevarstrategi og personalpolitikk, samt den operative leiinga av kommunen si personalavdeling.

Personalavdelinga leverer tenester til heile den kommunale organisasjonen. Avdelinga vart oppretta 1. januar 2019. Vi samla då kompetansen som tidlegare var spreidd i sektorane i ei stabsavdeling med 3,8 stillingar. Dette er ein konsekvens av at fagområdet er i utvikling frå tradisjonelt personalarbeid til eit HR-fokus der utvikling av vår viktigaste ressurs, medarbeidarane, blir stadig meir sentralt.

Andre arbeidsoppgåver til personalstaben er å administrere og halde kontakten med tilitsvalde, vernetenesta og lærlingeordninga. HR-/Personalsjefen er også sentral i arbeidet knytt til lønsoppgjer og forhandlingar.

Vi søkjer ein medarbeider som kan utvikle organisasjonen Stryn kommune som tenesteleverandør og vere ein pådrivar i bruk av ny teknologi, samt å ha fokus på organisasjonsutvikling og metode for å nå framtidige mål

Arbeidsområde:

Leie og vidareutvikle personalstaben. I dette ligg fullt fag-, personal- og økonomiansvar
Strategisk planlegging, utvikling og rådgjeving innan HR-/Personalområdet
Samarbeid med bedriftshelseteneste
Delta i og initiere utviklingsarbeid i kommunen

Arbeidsoppgåver

Arbeidsgjevarstrategi
Organisasjonsutvikling
Leiing/leiarutvikling og -oppfølging
Kompetanseutvikling og rekruttering
Lønspolitikk og lønsforhandlingar
HMS og nærværsarbeid
Lover, reglar og rutinar innan fagområdet
Bistå ved konflikter og arbeid med psykososialt arbeidsmiljø

Kvalifikasjonar for stillinga:

Utdanning på masternivå relevant for fagområdet. Kandidatar utan master kan bli vurderte om dei har anna relevant utdanning på høgskule-/universitetsnivå og særskilt relevant praktisk erfaring
Solid erfaring innan HR-/Personalfunksjon, gjerne frå kommunal eller annan offentleg sektor. Bakgrunn frå strategisk og operativt arbeid innan fagområdet er ønskjeleg
Gode relasjonelle ferdigheiter i møte med leiarar, tilsette og tillitsvalde

Personlege eigenskapar

Godt humør og vilje til å delta i å skape ein god arbeidsplass
Strategisk og analytisk, men ikkje i så stor grad at det går utover evnen til å iverksette og levere
God munnleg og skriftleg framstillingsevne
Sjølvstendig, drivande og utadvendt men med evne til samarbeid og respekt for at andre kan ha rett
Samlande og truverdig som leiar

Vi tilbyr:

Spennande leiar- og utviklingsutfordringar
Ei strategisk leiarstilling med stor påverknadskraft i ein organisasjon i utvikling
Ein sentral plass i ein organisasjon med dyktige og krevjande medarbeidarar og leiarar
Løn etter avtale. Gode pensjonsvilkår og eit til tider hektisk, men ordna arbeidsmiljø

Arbeidsstad kommunehuset. Stillinga rapporterer til rådmann.

Kopi av rettkjende attestar og vitnemål kan alternativt sendast pr post (vil ikkje bli returnert)

Søkjarane er som hovudregel offentlege og det er strenge kriterie for å bli unnateke, jf. offentleglova §25. Dersom du ønskjer å reservere deg frå offentleg søkjarliste må du grunngje det i søknaden.

Administrasjon / Kontor / Personal, Administrativ ledelse, Annet, Helse / Omsorg, Helse/Sosial, Lege/Tannlege, Offentlige lederstillinger, Offentlige tj. / Forvaltning, Sosialtjenester, Sykepleie- og omsorgstjenester

Helse- og omsorgsleiar

4. April 2019 Frode Vatland Leave a comment

Solund er eit øyrike ytst i Sognefjorden. Folketalet aukar og vi er no om lag 820 innbyggjarar. Vi har gode kommunikasjonar til fastlandet, inkl. hurtigbåt til Bergen.

Sjøen er ein del av både sjela og landskapet i Solund. Aktivitetar knytt til sjøen er mange og rett utanfor døra, enten det er båtliv, kajakkpadling eller fiske. På nybygde Solund Idrettspark finn du kunstgrasbane, friidrettsanlegg, skatepark, discgolfbane og klatreanlegg. Vi har òg idrettshall med symjebasseng, eit aktivt skyttarlag, kulturskule og mykje meir. Merka turstiar finn du rundt om i heile kommunen.

I Solund investerer vi for framtida. I løpet av dei neste åra skal vi bygge ny ungdomsskule og nye omsorgsbustadar, binde saman kommunen ved å realisere Ytre Steinsund bru og fortsette utbygginga av breiband. I løpet av 2019 vil om lag 90% av innbyggjarane ha tilgang til breiband.

Klikk på lenken for å sjå ei film om det flotte øyriket vårt: http://www.youtube.com/watch?v=E3RbqQhfrQQ

Helse- og omsorgsleiar

Vi søkjer etter ny helse- og omsorgsleiar i Solund kommune.

Solund er eit øyrike ytst i Sognefjorden som dei siste åra har vi opplevd positiv folketalsauke. Vi har eit godt utvikla tenestertilbod i kommunesenteret Hardbakke med skule, barnehage, butikksenter og gode kommunikasjonar til fastlandet. Solund er eit eldorado for friluftsaktivitetar på sjø og land, til dømes kajakkpadling og fotturar.

Stillinga har eit overordna ansvar for helse- og omsorgstenesta, og vert plassert i administrasjonssjefen si leiargruppe.

Helse- og omsorgsleiar har ansvar for institusjon/open omsorg, PU-tenesta, psykisk helseteneste og rus, legeteneste, helsestasjon, jordmorteneste, barnevern og fysioterapi/ergoterapi. Helse- og omsorgsleiar har også ansvar for kjøkken, vaskeri og reinhald. Ved Solundheimen, som har 20 plassar, er det dagavdeling, fysioterapi og ergoterapi, eige kjøkken og eige vaskeri. Open omsorg gjev omsorg på dag og kveld, det er ikkje nattilbod. Institusjonen og open omsorg er slått saman til ei eining der personalet jobbar i båe einingar.

Solund kommune driftar si eiga ØHD seng. Vi tar sikte på å få på plass eige psykolog i 100% stilling i løpet av 2019. Vi yter gode helse- og omsorgstenester, og har ingen venteliste på institusjonsplass eller andre tenester. Vi tildeler tenester etter behov.

Eininga har stort fokus på arbeidsmiljø, og har lågt sjukefråvær. Som tilsett i Solund kommune får du utfordrande arbeidsoppgåver som stiller krav til fagleg kompetanse, kreativitet og løysningsorientert fokus, og du får høve til tverrfagleg utvikling.

Arbeidsoppgåver
• Overordna styring og leiing av eininga
• Heilskapleg ansvar for økonomi og budsjett
• Overordna personalansvar
• Ansvar for å leie og utvikle eininga sitt tenestetilbod, og arbeids- og fagmiljø
• Handsaming av saker for eige område til politiske organ

Du må rekne med å måtte reise noko i samband med jobben.

Kvalifikasjonar
• har helsefagleg/sosialfagleg høgskuleutdanning
• leiarerfaring og gode resultat frå personalleiing og budsjettstyring
• god økonomi- og budsjettforståing
• kjennskap til offentleg forvaltning
• kommuniserer godt, og har ein tydeleg og inkluderande leiarstil
• er løysingsorientert og har vilje til utvikling og samarbeid
• skapar gode relasjonar og resultat gjennom samarbeid med tilsette og deira tillitsvalde
• har god arbeidskapasitet med evne til å prioritere og delegere
• er nytenkjande og vil arbeide med endring og utvikling

Personlege eigenskapar for stillinga vil bli tillagt stor vekt.

Vi tilbyr
• spennande og utfordrande arbeidsoppgåver
• løn etter avtale
• god pensjonsordning i KLP
• tilsetjing i tråd med gjeldande lov- og avtaleverk
• godt arbeidsmiljø
• å vere hjelpsam med å skaffe bustad
• å vere hjelpsam med å formidle kontakt med mogeleg arbeidsgjevar for eventuell partnar

Nynorsk vert nytta som arbeidsspråk.

Ved tilsetjing vert det krevd politiattest og utfylt MRSA- og tuberkuloseskjema. Attestar og vitnemål må leggjast fram i samband med intervju.

Søkjarar som ønskjer unntak av offentleg søkjarliste må grunngje dette særskilt i søknaden (off.lova § 25).

Administrasjon / Kontor / Personal, Administrativ ledelse, Arkiv/Dokumentbehandling, HR Manager, Juridiske tjenester, Konsulenter / Frie yrker, Offentlige lederstillinger, Offentlige tj. / Forvaltning, Organisasjonsutvikling, Sentralbord/Resepsjon

Stabsleiar

3. April 2019 Frode Vatland Leave a comment

Stabsleiar

Solund er eit øyrike ytst i Sognefjorden som dei siste åra har opplevd positiv utvikling i folketalet. Vi har eit godt utvikla tenestertilbod i kommunesenteret Hardbakke med m.a. skule, barnehage og butikksenter. Vi har gode kommunikasjonar til fastlandet, inkl. hurtigbåt til Bergen. Solund er eit eldorado for friluftsaktivitetar på sjø og land, til dømes kajakkpadling og fotturar.

Solund kommune har ledig fast stilling i 100% som stabsleiar med overordna ansvar for servicekontor/arkiv, IKT, frivilligsentral og bibliotek. Organisasjonen er i forandring og ansvarsområda kan endra seg etter kvart.

Arbeidsoppgåvene er svært varierte og stillinga krev difor fleksibilitet. For at du skal trivast må du vere utviklingsorientert, positiv og god til å samarbeide på tvers av einingar. For å handtere leiarrolla vil det vere ein fordel med kompetanse eller erfaring innan relevante ansvarsområde.

Solund kommune har som mål å ligge i framkant med IKT-arbeidet, både internt og ut mot innbyggjarane. Vi ynskjer difor å auke datakunnskapen blant tilsette og samtidig ta i bruk nye digitale løysingar som kan gjere oss meir effektive. Stabsleiaren vil vere ei viktig pådrivar i dette arbeidet.

Arbeidsoppgåver som vil ligge til stillinga er mellom anna:
• Ha fagleg, økonomisk og personalansvar for eininga
• Vere delaktig i å utvikle og optimalisere interne rutinar og prosessar
• Ansvar for kommunen sitt interne IKT-arbeid i samarbeid med det interkommunale selskapet SySIKT
• Utarbeide og følgje opp rutinar for informasjonstryggleik/GDPR
• Ansvar på overordna nivå når det gjeld innkjøpsrutinar og innkjøpsavtalar
• Valansvarleg ved kommune-, fylkes- og stortingsval
• Diverse sakshandsaming
• Er med i administrasjonssjefen si leiargruppe
• Er fungerande administrasjonssjef når administrasjonssjef ikkje er til stades

Ynskjelege kvalifikasjonar
• Høgare utdanning på minimum bachelornivå
• Erfaring frå leiande stilling i offentleg eller privat virksomhet
• Erfaring frå, eller kjennskap til, offentleg sektor/offentlege prosessar
• Kompetanse innan økonomi og IKT
• God munnleg og skriftleg kommunikasjonsevne

Personlege eigenskapar:
• Evne til å leie, motivere, prioritere og delegere
• Evne til å sjå heilskap og mogelegheiter
• Er utviklingsorientert, samarbeidsvillig og positiv
• Er strukturert og tydeleg

Det vil bli lagt stor vekt på personlege eigenskapar ved tilsetjinga

Språk
Nynorsk vert nytta som arbeidsspråk.

Offentleg søkjarliste
Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta frå offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.

Løns- og tilsetjingsvilkår
Løns- og arbeidsvilkår etter gjeldande lov- og avtaleverk.
For stillingar i Solund kommune gjeld ei prøvetid på 6 månader.
Administrasjonssjefen er næraste overordna til stillinga.
Startdato etter avtale.

Vi tilbyr:
Ei spanande stilling med ansvarsfulle og varierte oppgåver
Løn etter avtale
Faglege utfordringar
God pensjonsordning i KLP
IA-bedrift
Hjelp med å finne bustad

Administrasjon / Kontor / Personal, Administrativ ledelse, Annet, Ingeniøryrker, Offentlige lederstillinger, Offentlige tj. / Forvaltning, Tekniske tjenester

Teknisk sjef

20. February 2019 Frode Vatland Leave a comment

Vi søker etter teknisk sjef!

Kinn kommune har i media blitt omtala som “Noregs raraste kommune”. Det er sant at Flora og Vågsøy ikkje deler kommunegrenser, men vi ser ikkje på dette som ei hindring. Tvert i mot. Med glød i auga ser vi mot framtida og moglegheitene som ligg der. Det krev nytenking og ein stø kurs mot innovasjon. Vi har ein sterk vilje og er stadig søkande mot den neste praksis.

Vi blir den åttande største kommunen i nye Vestland fylke med våre 17.500 innbyggarar. Som arbeidsgjevar har vi 1600 tilsette og eit mål om “tidenes kompetanseløft”. Kinn er ein kommune med delt kommunesenter. Tenesta for tekniske tenester vil få over 30 årsverk, og dei tilsette i tenesta vil ha kontorstad/arbeidsstad i både Måløy og Florø.

Nye Kinn kommune søker etter:

Teknisk sjef, valfri kontorstad

Ein leiar som skal ta i vare og utvikle viktige funksjonar i lokalsamfunnet som vegar, vatn, avløp, grønstruktur m.m. Herunder syte for ei forsvarleg vakt og beredskapsordning for heile kommunen.
Ansvar for gjennomføring av prosjekt innanfor fagområdet
Ansvar for økonomisk og administrativ leiing av tenesta
Teknisk sjef vil inngå i leiargruppa til tenesteområde for samfunn, kultur og miljø. Det blir forventa at du deltek konstruktivt i denne gruppa med spesiell forventning til samarbeid på tvers mellom fag- og ansvarsområder.
Vere kommunen si “stemme” mot lokalsamfunnet innanfor ansvarsområdet
Saman med andre leiarar sikre at kommunen arbeider systematisk med utvikling og omstilling for å nå overordna målsettingar
Utgreiingar og arbeidsoppgåver etter kommunalsjefen si avgjerd

Du må gjerne ha god kjennskap til datateknologi og digitalisering, men det er viktigare at du kan arbeide med menneske som søker nye måtar å løyse oppgåvene på; neste praksis.

Vi ser etter deg med følgjande kvalifikasjonar:

Relevant høgare utdanning, gjerne med leiing i fagkretsen
Relevant erfaring
Evne til å motivere, og få det beste ut av medarbeidarane
Evne skape gode relasjonar og samarbeid internt i kommunen og mellom kommunen og næringslivet/innbyggjarar
God forståing for økonomistyring
Utgreiingserfaring
God skriftleg og munnleg framstillingsevne
Utvikling- og resultatorientert
Analytisk og har gjennomføringsevne
Lagspelar med fagleg forståing innanfor ansvarsområdet
Ser heilskapen i ein kommuneorganisasjon

Som leiar i Kinn må du rekne med å arbeide i heile kommunen sitt geografiske nedslagsfelt uavhengig av kvar du har kontorstad.

Vi kan tilby:

Ein organisasjon som skal gjennomføre tidenes kompetanseløft
Spennande utfordringar i ein organisasjon i stadig endring
Sjølvstendige og utfordrande arbeidsoppgåver i eit allsidig og fagleg spennande miljø
Godt kvalifiserte og hyggelege kollegaer
Konkurransedyktig løn og gode pensjonsordningar

«Vi gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Søkjarar som ønskjer unntak frå offentleg søkjarliste må grunngje dette særskilt i søknadsteksten.»

Administrasjon / Kontor / Personal, Administrativ ledelse, Kirke / Undervisning / Forskning, Offentlige lederstillinger, Offentlige tj. / Forvaltning

Dagleg leiar/kyrkjeverje

27. November 2018 Frode Vatland Leave a comment

Bremanger kommune har 3900 innbyggarar og eit areal på ca. 830 km². Det er eit særskilt vakkert område med fjordar, kystlandskap, vakre strender, høge fjell, isbrear, skogar og kulturlandskap, – eit Sogn og fjordane i miniatyr!

I Bremanger er det 7 sokn, 8 kyrkjer/kapell og 12 kyrkjegardar. Fellesrådet har fleire tilsette som til saman utgjer ca. 8 årsverk. Det er to sokneprestar i kommunen med kyrkjekontor i Svelgen (Rådhuset) og Kalvåg.

Bremanger kommune har fleire tettstadar og bygder med Svelgen som kommunesenter. Kommunen har eit godt oppvekstmiljø med fleire skular, eit rikt organisasjons- og kulturliv, og gode høve for å vere med på ulike fritidsaktivitetar m.a. innan idrett, friluftsliv og musikk.

Dagleg leiar/kyrkjeverje

Ledig stilling som Dagleg leiar/kyrkjeverje i 100 % i Bremanger kyrkjelege fellesråd
Stillinga som kyrkjeverje i Bremanger er ledig frå 01.03.19, då noverande kyrkjeverje går av med pensjon.

Ansvarsområde/arbeidsoppgåver
Kyrkjeverje er dagleg leiar av fellesrådet si verksemd. Dette inneber ansvar for sekretariat og sakshandsaming for fellesrådet, administrasjon og planarbeid, budsjett og økonomistyring, personalforvaltning, administrasjon og drift av kyrkjegardar, forvaltning av kyrkjer og kapell, organisering av trusopplæringa, samt halde kontakt med sokneråda og kommunen.

Kvalifikasjonskrav
Vi søker etter ein person
– med relevant utdanning på universitets-/høgskulenivå eller tilsvarande kompetanse innan administrasjon og økonomi, forvaltning, personalleiing og kyrkjeleg verksemd.
– med god kjennskap til kyrkjeleg forvaltning og organisering.
– med innsikt i og interesse for kyrkja sitt arbeid, m.a. trusopplæring og gudstenesteliv.
– som er løysingsorientert, kan arbeide sjølvstendig, har gode samarbeidsevner og evne til å sjå sine medarbeidarar, og som kan legge til rette for godt samarbeid mellom dei tilsette.
– har strategisk teft og eit tydeleg ønske om å fremje kyrkja si rolle i Bremanger kommune.

Personlege eigenskapar vil bli vektlagt.

Det er krav om medlemskap i Den norske kyrkja.

Vi tilbyr:
Løn etter avtale, god pensjonsordning i KLP, høve til fagleg utvikling, ei god kommune å bu i for små og store og eit aktivt og engasjert fellesråd.

Tilsettinga skjer på dei vilkår som går fram av lover, reglement og Kirkens Arbeidsgiverorganisasjon sine tariffavtalar. Det er 6 månader prøvetid.

Nærare opplysningar om stillinga får ein ved å ta kontakt med
leiar for Bremanger kyrkjelege fellesråd, Olav Jarl Frøyen tlf. 481 59 133.

Søknad sendast: Bremanger kyrkjelege fellesråd, Postboks 104, 6721 Svelgen

Administrasjon / Kontor / Personal, Administrativ ledelse, Annet, Helse / Omsorg, Helse/Sosial, Offentlige lederstillinger, Offentlige tj. / Forvaltning, Sosialtjenester, Sykepleie- og omsorgstjenester

2. gongs utlysing, helse- og omsorgsleiar

27. November 2018 Frode Vatland Leave a comment

Solund kommune, eit lite øyrike ytst i Sognefjorden. Solund kommune har i underkant av 800 innbyggjarar. Her er ulike fritidsmogelegheiter, vi har god kommunikasjon til fastlandet, har fokus på at barn og unge skal ha eit godt miljø å vekse opp i og fleire utviklingsprosjekt er under planlegging som skal gjere Solund til ein enda betre stad å bu.

Følg linken og vert litt betre kjent med oss:

http://www.youtube.com/watch?v=E3RbqQhfrQQ

2. gongs utlysing, helse- og omsorgsleiar

Vi søkjer etter ny helse- og omsorgsleiar i Solund kommune. Stillinga har eit overordna ansvar for helse- og omsorgstenesta, og vert plassert i administrasjonssjefens leiargruppe.

Helse- og omsorgsleiar har ansvar for institusjon/open omsorg, PU-tenesta, psykisk helseteneste og rus, legeteneste, helsestasjon, jordmorteneste, barnevern og fysioterapi/ergoterapi. Helse og omsorgsleiar har også ansvar for kjøkken, vaskeri og reinhald. Ved Solundheimen, som har 20 plassar, er det dagavdeling, fysioterapi og ergoterapi, eige kjøkken og eige vaskeri. Open omsorg gjev omsorg på dag og kveld, det er ikkje nattilbod. Institusjonen og open omsorg er slått saman til ei eining der personalet jobbar i båe einingar.

Frå 01.11. driftar Solund kommune si eiga ØHD-seng. Vi tar sikte på å få på plass eige psykolog i 100% stilling i løpet av 2019. Vi yter gode helse- og omsorgstenester, og har ingen venteliste på institusjonsplass eller andre tenester. Vi tildeler tenester etter behov.

Eininga har stort fokus på arbeidsmiljø, og har lavt sjukefråvær. Som tilsett i Solund kommune får du utfordrande arbeidsoppgåver som stiller krav til fagleg kompetanse, kreativitet og løysningsorientert fokus, og du får høve til tverrfagleg utvikling.

Nynorsk vert nytta som arbeidsspråk.
Ved tilsetjing vert det krevd politiattest og utfylt MRSA-skjema.
Attestar og vitnemål må leggjast fram i samband med intervju.
Søkjarar som ønskjer unntak av offentleg søkjarliste må grunngje dette særskilt i søknaden (off.lova § 25).

Arbeidsoppgåver

Overordna styring og leiing av eininga
Heilhetleg ansvar for økonomi og budsjett
Overordna personalansvar
Ansvar for å leie og utvikle einingas tenestetilbod, og arbeids- og fagmiljø
Handsaming av saker for sitt område til politiske organ

Kvalifikasjonar

har helsefagleg/sosialfagleg høgskuleutdanning
leiarerfaring og gode resultat frå personalleiing og budsjettstyring
god økonomi- og budsjettforståing
kjennskap til offentleg forvaltning
kommuniserer godt, og har ein tydeleg og inkluderande leiarstil
er løysingsorientert og har vilje til utvikling og samarbeid
skapar gode relasjonar og resultat gjennom samarbeid med tilsette og deira tillitsvalde
har stor arbeidskapasitet med evne til å prioritera og delegere
er nytenkjande og vil arbeide med endring og utvikling

Utdanningsretning

Administrasjon og leiing
Medisin/Helse/Sosialfag

Utdanningsnivå

Høgskule / Universitet

Personlege eigenskapar

Personleg eignaheit for stillinga vil bli tillagt stor vekt.

Språk

Norsk

Vi tilbyr

spennande og utfordrande arbeidsoppgåver
løn etter avtale
god pensjonsordning i KLP
tilsetjing i tråd med gjeldande lov- og avtaleverk
godt arbeidsmiljø
full barnehagedekning
å vere behjelpelig med bustad
å vere hjelpsam med å formidle kontakt med mogeleg arbeidsgjevar for eventuell partnar.

Solund kommune har ledige stillingar som psykolog, sjukepleiar og helsefagarbeidar. Les meir på www.solund.kommune.no.

Andre opplysningar

Reiseaktivitet: Du må rekne med å måtte reise noko i samband med jobben

Administrasjon / Kontor / Personal, Administrativ ledelse, Annet, Bygg og anlegg, Ingeniøryrker, Offentlige lederstillinger, Offentlige tj. / Forvaltning, Prosjektleder, Tekniske tjenester

Kommunalsjef – plan, areal, miljø og teknisk drift

3. September 2018 Frode Vatland Leave a comment

Kommunalsjef – plan, areal, miljø og teknisk drift

Det er ledig 100% stilling som kommunalsjef – plan,areal, miljø og teknisk drift. Søknadsfrist 15.september 2018.

Eidfjord kommune er inne i ei tid med stor aktivitet innafor teknisk område. Dette inkluderer mellom anna kommune- og reguleringsplanar, byggesak, kommunalteknisk drift, investeringsprosjekt, drift og vedlikehald.
I samband med at ein gjer ei omorganisering, har ein ledig 100% fast stilling som kommunalsjef for plan, areal, miljø og teknisk drift.

Kommunalsjefen inngår i rådmannen sitt leiarteam, og får ei sentral rolle i vidareutvikling av Eidfjord kommune som ein framtidsretta kommune, med fokus på gode tenestetilbod og ein kompetent organisasjon.

Fagområdet er i dag delt i to einingar, areal og miljø og kommunalteknisk drift, og desse skal samordnast under ein leiar. I nært samarbeid med dei tilsette skal du bygge struktur på ei ny eining, og sørge for god og effektiv drift av det samla tenesteområdet.

Kvalifikasjonar:

Du bør ha utdanning frå universitet eller høgskulenivå, og relevant leiarerfaring frå privat og/eller offentleg verksemd.
Vidare bør du ha kjennskap til kommunesektoren, og forståelse for politiske beslutningsprosessar.
Erfaring med prosjektleiing er ein fordel.

Personlege eigenskapar:

Me søkjer ein leiar med stor interesse for fagfeltet, og gode gjennomføringsevner.
Leiareigenskapar og kommunikasjonsevner vil verta vektlagt.
God økonomiforståelse og evne til å setja seg inn i fagleg kompliserte problemstillingar er ein fordel.
Overblikk og evne til å handtera både strategiske og operative utfordringar vil vera ein styrke i stillinga.

Me tilbyr:

Løn etter avtale
Eit arbeidsmiljø med kompetente medarbeidarar
Hjelp til å skaffa husvære

Me gjer merksam på at søkjarar til stillinga kan verta offentleggjort, sjølv om søkjar har bode om å ikkje verta oppført. I så fall vil me ta kontakt på førehand.

Administrasjon / Kontor / Personal, Administrativ ledelse, Forretningsutvikling/Strategi, Konsulenter / Frie yrker, Offentlige lederstillinger, Offentlige tj. / Forvaltning, Organisasjonsutvikling

Dagleg leiar

22. August 2018 Frode Vatland Leave a comment

Lærdal Næringsutvikling AS (LNU) skal bidra til å utvikla eksisterande næringsliv og leggja til rette for nyetableringar i Lærdal kommune. Selskapet, som er eigd av Lærdal kommune (65,9%) og Lærdal Næringssamskipnad (34,1%), held til i moderne kontorlokale sentralt på Lærdalsøyri.

LNU har sidan 2013 hatt det operative ansvaret for omstillingsarbeidet i Lærdal. 2018 er siste året med omstillingsstatus, og LNU går dermed snart over i ein ny fase.

Då noverande dagleg leiar skal byrja i ny jobb søkjer vi etter:

Dagleg leiar

Du vil få ei sentral rolle i utviklingsarbeidet i kommunen, og ha ein viktig funksjon i dialogen mellom næringsliv, kommune og lokalsamfunn. Når Lærdal no skal avslutta omstillingsarbeidet og LNU skal over i ein ny fase, så gir det høve til å påverka retning og innhald i utviklingsarbeidet i kommunen. Lærdal er også med i eit prosjekt som skal greia ut eit tettare regionalt nærings- samarbeid, med mål om auka verdiskaping, større lønsemd og fleire arbeidsplassar i heile regionen.

Ansvarsområde:

Dagleg drift og leiing av selskapet – økonomisk styring, rapportering og resultatansvar.
Personalansvar gjennom å motivera tilsette mot felles mål.
Vidareutvikling av verksemda. Prosjektleiing og prosjektkoordinering
Kontakt med kommune, næringsliv og andre samarbeidspartnarar.
Ansvar for sakshandsaming av søknader til kom- munen sitt næringsfond.
Representasjon og deltaking i ulike samarbeids- forum.

Kvalifikasjonar:

Høgare utdanning.
Bakgrunn frå næringslivet eller erfaring frå arbeid med næringslivet.
Kunnskap om/erfaring frå offentleg forvaltning og administrasjon
Leiarerfaring, erfaring med endrings- og strategi- arbeid.
Gode relasjonelle eigenskapar, er engasjert og initiativrik.
Sjølvstendig, strukturert, resultatorientert og fleksibel.

Stillinga som dagleg leiar vil by på utfordrande og varierte oppgåver i eit tverrfagleg og godt arbeidsmiljø. Løn og vilkår etter nærmare avtale.

For meir informasjon om stillinga, ta kontakt med dagleg leiar Arve Tokvam, arve@laerdalnu.no – 907 85 950. eller styreleiar Yngve Hallén, ynghall@gmail.com – 901 16 005.

Administrasjon / Kontor / Personal, Administrativ ledelse, Offentlige lederstillinger, Offentlige tj. / Forvaltning, Regnskap/Controlling, Revisjon, Økonomi / Regnskap, Økonomi/Finans

Økonomidirektør

7. August 2018 Frode Vatland Leave a comment

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 000 tilsette og eit budsjett på 2,9 milliardar kroner og er den største verksemda i fylket. Helseføretaket er eigd av det statlege Helse Vest RHF. Helse Førde skal så langt råd spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetnad, og å rekruttere kvalifiserte personar med innvandrarbakgrunn.

Økonomidirektør – Helse Førde HF / Økonomiavdeling

Vi søkjer ein dyktig økonomidirektør som skal ha det overordna ansvaret for økonomistyring og rapportering. Den rette personen vil få ei heilt sentral rolle i å medverke til vidare utvikling av organisasjonen og til effektiv og god drift.