Avdelingsdirektør – Leiar av stab for verksemdstyring – Vest politidistrikt

I Vest politidistrikt, for tida Stab for verksemdstyring, er det ledig ei fast stilling som avdelingsdirektør SKO 1060, som leiar av Stab for verksemdstyring.

Stab for verksemdstyring er ein strategisk støttestab for politimeisteren og leiargruppa i Vest politidistrikt. Som leiar av staben har ein utøvande ansvar for politidistriktet si økonomi- og verksemdstyring, i tillegg til strategi- og organisasjonsutvikling. Staben er delt inn i tre seksjonar, Seksjon for strategisk støtte, Seksjon for verksemdstyring og økonomi, og Seksjon for dokumentforvaltning og arkiv. Leiar av Stab for verksemdstyring er ein del av politimeisteren si leiargruppe.

For stillinga gjeld vanlege tilsetjingsvilkår i staten, mellom anna prøvetid etter Statsansatteloven. Søkjarane må kunne skrive både bokmål og nynorsk. Det er krav om plettfri vandel.

Den statlege arbeidsstyrken skal i størst mogleg grad spegle mangfaldet i folket og vi oppfordrar alle kvalifiserte søkjare til å søke uavhengig av kjønn, etnisk bakgrunn, religion, funksjonsevne, alder og seksuell orientering.

Aktuelle søkjarar vil bli kalla inn til intervju. Då må stadfesta vitnemål og attestar takast med. Vi gjer merksam på at søkjarlista kan bli gjort offentleg sjølv om søkjar ber om å få vere anonym, jf. Offentleglova § 25.

Vi ber om elektronisk søknad via lenka.