Stryn kyrkjelege fellesråd har administrasjon av tilsette, økonomi og fellestiltak for åtte kyrkjelydar i Indre Nordfjord. På vegne av dei 8 sokneråda, forvaltar fellesrådet 9 kyrkjer og 9 kyrkjegardar, eit driftsbudsjett på 6.186 mill kr og 10,31 årsverk fordelt på  20 stillingar. Det er tre sokneprestar tilsett av bispedømet. Dei andre medarbeidarane er tilsett av fellesrådet: organistar, kyrkjetenarar, kyrkjegardsarbeidarar, kateket og trusopplæringsmedarbeidarar. Vi har hatt trusopplæringsmidlar sidan 2008.

Kyrkjeverje – Dagleg leiar

Kyrkjeverja skal være dagleg leiar for rådets administrative og operative oppgåver.

Til å leie den kyrkjelege verksemda søkjer vi etter ein person som skal ha:

• Økonomisk og administrativt ansvar for fellesrådets verksemd
• Arbeidsgivaransvar for dei kyrkjeleg tilsette i fellesrådet.
• Ansvar for drift og vedlikehald av kyrkjer og kyrkjegardar.
• Være sekretær for fellesråd, administrasjonsutval og andre utval under fellesrådet.
• Vidareutvikle samarbeid og gode relasjonar til sokna, prestane, kommune og andre samarbeidspartnarar i og utanfor lokalsamfunnet.
• Den som vert tilsett må kunne nytte eigen bil i tenesta.

Fellesrådet søkjer derfor etter ein person med følgjande eigenskapar, kvalifikasjonar og erfaringar:

• Relevant utdanning på høgskule/universitetsnivå
• Ev. dokumentert praksis som kan kompensere for formell utdanning
• Erfaring og kunnskap innan offentleg eller annan relevant forvaltning.
• Økonomisk kompetanse.
• Erfaring innan personalleiing.
• Kjennskap til kyrkjeleg verksemd, struktur og organisasjon
• Gode samarbeidseigenskapar.
• God munnleg og skriftleg framstillingsevne.
• Personlege eigenskaper blir vektlagt.
• Administrasjonsspråket i Stryn kommune er nynorsk.
• Det er i gang mange reformer innan Den norske kyrkja, og vi vil leggje vekt på evne til omstilling og vilje til å tileigne seg kompetanse på nye område.

Fellesrådet kan tilby:

• Lønn etter avtale
• Pensjonsordning i KLP
• En interessant, spennande og utfordrande stilling i eit aktivt og engasjert miljø.
• Den som blir tilsett må være medlem av Den norske kyrkje.